Donnerstag, 12. Februar 2009

Die Hungerkur


Sie steht unter dem Motto aller Vollschlanken "gscheiter rund und gsund als schlank und krank". Ich habe diesen Diätplan vor etwas mehr als 20 Jahren erhalten. Er stammt vermutlich aus Österreich und ist daher etwas schwer zu verstehen, nachzuvollziehen oder gar zu imitieren:

I hob mit der Figur ka Glück, net dass Sie glaubn, i bin zu dick
ja mollert bin i scho a weng, die Schoss und Klaidl werm ma zeng,
so dass i mi no einipress, in so a schwache Dreiergröss.
Und weil des net so weitergeht, leb i jetzt nur no streng Diät.
Na in der Früah: a Lackl Tee, kan Zucker und kan Mülchkaffee, von Gugelhupf u Wuchtln gar ka Red, koan Striezl u koan Studl net.
Zwoa Keks, Orangensaft dazu, wos tuat ma net zweng de Figur.
Am Vurmittog, waun i nix iss, wird ma vor lauter Hunga mies.
Na sowas hot jo koan' Zweck, a Salzstangerl, a Schinkenspeck, dös is erlaubt bei jeder Kur, ma isst ja 20 deka nur.
A Flascherl Bier, koa schwers derfs sein, dös macht sunst dick, dös siach i ein.
Dann turn i fest, weng meine Füass u kriag oan Gusta auf was Süass.
A Mozartkugerl, a Praline, a Kokoskuppel, a Frappé, in Mixa eini, glei is fix, ma isst jo sunst do eh fast nix.
Zu Mittag a Kalbsschnitzerl natur, nur ka Panier, zweng da Figur,
a bisserl Reis, a wengl Soft - ma braucht ja schliessli a sei Kraft.
A weng Kompott dann zum Dessert, a Glasl Wein, o nur net mehr.
Den Schwarzen nur mit Sacharin, dann leg i mi am Diwan hin,
weil i erschöpft bin von dera Kur, von 1 bis 3 dann schlofn tua.
Zur Jausn bin i gar net fad, a Butterbrot mit Marmelad,
Vanillekipferl zan Kaffee, worauf i dann ind Sauna geh.
Na ma kriagt bei dere Schwitzerei, oan guaten Appetit dabei.
I geh zan Bachler in die Stodt u iss zwoa Indianer grod.
Mehr mog i net, zweng der Glasur, dös schad am End sunst der Figur.
Es Nochtmohl kummt denn eh scho bold, am liabstn iss i do nur kalt.
A Futzerl Wurscht, a Stückl Käs, oan Fleischsalat mit Majonäs.
Zur Nachspeiss gschwind oan Kaiserschmoarn,

bevur ma dann ins Gasthaus fahrn.
Auf dös hab i mi lang scho gfrein, do hau i dann erst richtig drein,
A Kaiserfleisch, nur leicht durchspickt
weil sonst mei Mann die Groll gleich zwickt.
Dazua so 3-4 Viertln gschpritzt, wenn ma komod beinandersitzt,
und plauscht u kieflt so dabei, Salzmandln u Käsbäckerei....
Segns... dös is olls - i iss net vül, a andrer wird dabei a Grüll,
nur i wer bei der hungerkur, net mager- na, i nimm no zua.....
glei kiloweis bei jedem Wiegn, bei mir muass dös an die Drüsn liegn.
Ja, meine Lieben, bei mir wohl auch. Da läufts fast identisch ab. Was ich hie und da einspare, kommt bei der süssen Fernsehunterhaltung unbemerkt wieder rein. Und jeden Tag sag ich mir: "................", um dann doch ......... !!!! Der Geist ist willig, nur das Fleisch ist schwach. Okay, solange es nicht schwabbelbabbelt, kann ich zufrieden sein, oder?

Keine Kommentare: